الأخبار -> هكذا رد باسم يوسف على منتقدي امتناعه عن نعي الراحل أحمد زويل..

هكذا رد باسم يوسف على منتقدي امتناعه عن نعي الراحل أحمد زويل..

07 اغسطس 2016

بعد الانتقادات التي طالت الإعلامي الساخر باسم يوسف بسبب عدم كتابته أو توجيهه أي كلمة نعي تتعلق برحيل العالم المصري أحمد زويل، وعدم إعارته أي اهتمام بالموضوع، رد عبر تعليق مطول موضحاً  وجهة نظره. 


باسم بدا صارماً ورد قائلاً: "أنا مش نشرة أخبار، مش وكالة أنباء ومش صفحة وفيات. أنا مش مطالب إني أعلق على أي أحداث إنت شايف المفروض اني أعلق عليها، من أول نزاع في بلد معين لانقلاب في بلد تاني لوفاة حد في بلد تالتة، لو حصل وعلقت فده لأني بامارس نفس الحرية اللي أنت بتديها لنفسك أنك تتكلم على إيه وما تتكلمش على إيه".


وتابع "العيال الرخمة بتاعة ما اترحمتش على فلان، ليه هما نفسهم اللي لو قلت فلان ربنا يرحمه حيخشوا يقولوا طب وما اتكلمتش على فلان أو علان أو ما جبتش سيرة ترتان ليه. نفس الناس اللي تقولك ما علقتش على أحداث معينة ليه ولو علقت يقولك طب ما اتكلمتش على الحدث التاني ليه العالم مش مستني ستاتوس الفيس بوك عندي أو عندك عشان يتصرف على حسب حنكتب ايه.


وختم:"احنا كلنا أتفه من كده. والملائكة مش واقفة على حساب تويتر تشوف مين اللي اترحم على مين و مين لا. وأبواب السما أو الجحيم مش مستينة عدد اللايكات والشير عشان تقرر تفتح لمين وتقفلها في وش مين. الحياة والموت والترحم كانوا موجودين قبل الفيس بوك وتويتر والانترنت شخصياً. الحياة الأخرى مش واقفة على التويتة بتاعتك". 

 



الكاتب : admin
Share it on Facebook نسخة للطباعة


تعلقيات الأعضاء


جميع الحقوق محفوظة لـ : مزيكا mp3| أكبر شبكة غنائية عربية © 2019
برمجة اللوماني للخدمات البرمجية © 2011